fiddle

夜校 mode 再開

0

Posted on 22 7月, 2014 by

早前報了個 top up degree ,因為算是跳級加轉科,所以要上個銜接 module,昨晚開課。

Bridging Course 讀 Algorithms & Data Structures,第一堂主要都是簡單熱身。個人之前未學過呢科,但班上貌似很多同學未有學過寫程式就跑來讀了…. 阿SIR問邊個寫過PROGRAMME只有一半人舉手話學過…都唔知堅定流…  進度慢的氣味啊… 有空還是先預習好了,反正 Online 很多 material, 萬能的internet ~

考完車三日後即刻去完雲南旅行,回來下機後第二日就開始上課, 自己也覺得自己超痴線,果然我的人生是慢不下來的過山車 XD

[月經文] 是咁的,我的 netbook 壞 keyboard 了 XD

0

Posted on 15 5月, 2014 by

20140515-051320.jpg

分屍相好獵奇

話說近日天氣超潮溼,從櫃子內把久未使用的 netbook 拿出來打算用,發現旁邊出了霉菌已心知不妙,果然,"又是"壞keyboard…. 折開清理完d污漬reconnect都係唔work, certify …

保養想當然已過,但因為是在英國買的機,香港代理漢科從付費維修到代訂全部都 Reject … : o )淘寶零件賣緊RMB 55,但經過mini假貨事件,令我有少少擔心又買到d「假原裝」決定煩少少都問埋台灣先。其實當時是因為旅行跌了iPhone 買來代用,目前屋企好多機,所以部野其實都好雞肋….

Anyway 問左MSI郵購多少錢再決定,等回覆中,打定輸數佢地唔會理我XD
又或者唔整駁個 wifi Keyboard 放廳做 media server 都未定 : p

Btw, 睇來我差不多每部laptop都逃唔開壞 keyboard 呢個命運, 第一部nb compaq, 當年 2000 年一線超slim機,所以超貴成17k, 1.5年壞,比佢整八舊自已整三百幾當然自己來。然後之前部HP,又係年幾壞,今次好醒水有延長三年保,保險照 claim 七舊… 但都係要自己來…. 因為佢撞正我趕job deadline…. 比佢整三日我自己整一小時KO ( 因為呢部屬desktop replacement 大機, 雖然同級中好slim但始終厚過當年部compaq, so easy job ) 新機Acer touch so far so good no problem now, 今次睇下MSI開咩牌了…

學車中期進度

0

Posted on 17 3月, 2014 by

2月中開始學車,報告一下目前學車進度,
就是『金~翅~福~佳~鳥~~~』

之前因為學校補鐘平,網上D資料又太多太亂,本來打算最消自修,完全靠CFU,結果就是最初三日(六堂 4.5 hrs)完全食晒蕉一舊雲~~ 4 月 9 考,目前學左 12 堂 9 小時都未學泊車~ 想加多D鐘CFU又忙到死未必有期比~ 今次真係哇哈哈哈~~~

網上見人地三日已經教轉頭,當時我就仲係兜緊圈…. 仲要臨尾比佢省鑊金(其實又唔係鬧,但係咁哦哦哦哦哦哦哦哦哦哦哦左半堂) 之後唯有開始食自己,後來買左本天書刨下好番D,E+就書+網上交叉惡補….

其實第三日學完已經再問過轉CFU事宜,但因為時間太炆水,已經冇CFU有期,一定要改期考。改期的話,就要等到九月,雖然可以轉CFU,但時間太耐之前學果 D 實生疏晒,而且萬一下一個 CFU 又係咁教法就仆直多次…

目前進度遲左,所以加左十堂,其實想再加多D鐘,但點知要睇CFU比唔比到鐘我(爆期)…想加冇得加果下最大鑊… 如果冇得再加鐘,其實只係得 15 小時路面,應該都有超炆水… 但應該唔考慮改期了,打算萬一肥左出去直接搵個 arm key ge CFU 補鐘重考好過 (網上見到有D CFU 教學方法完全合我心水,有D後悔冇自己報)

一來,呢個CFU真係唔多arm key,想自己出去搵個arm channel,我受夠不明不白地比人哦哦哦哦哦哦哦哦哦了! ლ(T A Tლ)
二來,之前考牌本來只打算轉國際牌國外玩,唔趕用延期冇所謂。但目前因為老姐失驚無神買左車,以後有車可以借上路,早D有牌早D有得玩!!
三來,條路咁易都唔 PASS 的話,咁真係考多次學耐 D 其實都冇壞。

當然,最最最最最最最最最大原因,就是我抽果個葵盛圍本身算易,時間 9:45 仲要算係少車少人的上上籤來!!
呢期咁黑仔,改期重抽抽中下午放學時間仲死直…好吧之前的都是藉口XD

SO, 就將勤補拙 TRY MY BEST 挑戰下,反而E+出去唔租車考試就當補鐘,就咁補鐘好貴,補得多考試租車費都係度。

目前自修後再去上堂,其實已經明白左好多唔會一舊雲,但真頭六堂浪費左太多時間….雖然我唔預期CFU乜都講晒,但都冇想到可以乜都唔講到咁。我太習慣先理論後實習模式,接受唔到實習>實習>實習>實習>實習(下刪n次)。

目前***個人估計***,轉軚、睇位、吊極力子 (極力子慢速控制我OK,學咁耐死過三次火咁大把)、停車都算OK,斜路停車全OK,三手轉軚試左兩次都OK (第一次CFU又係失驚無神乜都冇講就開始,真係好在事前有自習)。轉波最大問題,2轉3始終有少少雞手鴨腳,轉波時要一心多用,通常衰極力子一下快放左chok chok地/唔記得先放油門,但都算開始上手,就睇下一堂泊車學成點吧…. (如果CFU肯教的話…) 學埋泊車算學晒考試範圍。

當然路面經驗不足嚴重,好多時反應唔夠快,最好當然係CFU可以幫我補多少少鐘,咁考試就應該定好多(癈話),但睇怕都係冇期望冇失望… 打算搵日R姐夫車我去試場,RUN 熟D條路(當然,係我睇佢開幫佢練車咋),我考VAN棍波佢開私家車自動波,for reference only,但好過冇。

——— 怨氣的唸唸碎START ———–

其實第一個電話約時間已經feel到溝通不能,CFU 講野好囉嗦又答唔到重點,果時應該果斷D轉CFU… 當時明明另一位師傅電話都到手了,但 CFU 打來覆時間,又唔好意思講轉人,就咁燒焦… 事關我真係好唔適應CFU果套摸不著邊的講野方法,出錯哦哦哦哦一大輪先有一兩句叫重點;又乜都講feel,完全冇guideline(佢”講解”時係”唉,洗埋一邊談下心先啦”咁的,你就知佢有幾浪漫派…);有時問野問多兩句又比人話未學行先學走;上堂一口令一動作,但事前完全唔會解析WHY,應該點樣做,但一出錯即刻會比人哦到暈…我這個問題少女(不老版)有問題不明白/不能問,簡直完全嚴重干擾我行車集中力加注意力…. 哦其實都唔緊要,最慘CFU ge 哦真係只係哦你手車有幾渣,你比佢哦完,除左頭昏腦漲,結果都係唔係好知點改進….

又唔可以話佢冇心教,其實佢肯哦你都算有心教,好似頭三日有時佢哦到煩就任我係咁吊 1x KM 轉圈 XDDDDDD
但真係人夾人,我同佢同步率應該 10% 都冇…
諗返 CFU 佢應該係預你乜都識,一個手令就知佢想點,eg:
佢係向右推推手, 就預我要知道佢想我中線靠右… 但我以為佢要我轉右囉 (T A T)

— 某次車停定中 —
CFU:扭左啦!
我:什麼什麼什麼什麼,扭左軚?!
CFU:…..扭左熄匙呀!(一開始咁講咪好囉XD)

其實如果經驗足可能會知… 但又咁,乜都識又經驗足洗鬼學咩….
不過,據說好多老CFU都係咁,有D仲會粗口小人好在佢冇咪我一定會小返佢然後THE END

不幸中大幸?!Σ(=ω= ;)

話說回來 CFU 大概都教到很想死 XDDDDDD
只能說我地實在有代溝

——— 怨氣的唸唸碎END ———–